Бо кезекке Давид биле Саул хааннарның дугайында чугаалажыр бис. Ол төөгү 80 чыл ишти болуп келген. Эгезинде Саул биче сеткилдиг, Бургандан коргар кижи чораан. Ынчалза-даа ол өскерлип, Иегованы дыңнавас апаарга, ол оон хая көрнү берген. Бурган Израильдиң келир үеде хааны кылдыр Давидти томуйлаарын Самуилге дагзып каан. Саул Давидти адааргааш, ону хөй катап өлүрер часкан. А Давид кажан-даа өжээн негевээн. Давидти Иегова шилип алган боорга, Саулдуң оглу Ионафан аңаа бердинген чораан. Давид аар бачыттарны кылган-даа болза, Иеговадан кеземчени кезээде хүлээп ап турган. Иеговага кезээде дыңнангыр болуру база ооң эдип-чазаашкынын хүлээри эң чугула деп билип алырынга ажы-төлүңерге дузалажыңар.