Onepa eyi yi lombolola ulandu womuenyo wa Soma Saulu kuenda wa Soma Daviti watiamẽla kuviali wavo okuti vocosi, wambata eci ci soka 80 kanyamo. Tete Saulu wa kala embombe kuenda wa sumbile Suku, pole, noke wa pongoloka kuenje wa likala oku kuama olonumbi via Yehova. Yehova wo yanduluka kuenje vokuenda kuotembo wa tuma Samuele oku ñola Daviti oco a kale osoma ya va Isareli. Omo liesepa Saulu wa seteka olonjanja vialua oku ponda Daviti, pole, Daviti lalimue eteke o fetuluinyile. Omõla wa Saulu, Yonatão, wa kũlĩhĩle okuti Daviti wa nõliwa la Yehova. Omo liaco, eye wa kala ukuacili la Daviti. Daviti wa linga akandu amue anene, pole, lalimue eteke a likalele elungulo lia Yehova. Nda ove unjali,  kuatisa omõlove oku limbuka esilivilo lioku kuatisa kaliangiliyo a Suku olonjanja viosi.