Бу бўлимда тахминан 80 йил ичида шоҳ Шоул ва шоҳ Довуднинг ҳаётида содир бўлган воқеалар ёзилган. Аввалига Шоул камтарин ва худотарс эди. Аммо у тез орада ўзгариб, Яҳовага бўйсунмай қўйди. Шу боис Яҳова уни рад этди. Кейинчалик У Шомуилга Довудни мойлаб, уни шоҳ сифатида танлашни буюрди. Ҳасадчи Шоул бир неча маротаба Довудни ўлдиришга уринди. Лекин Довуд ҳеч қачон қасос олишга интилмади. Шоулнинг ўғли Йўнатан Довудни Яҳова танлаганини билгани учун унга садоқатли эди. Довуд бир нечта жиддий гуноҳга қўл урди, бироқ Яҳованинг таълим-тарбиясини асло рад этмади. Агар ота-она бўлсангиз, Яҳовага ва раҳбарлик қилиш  учун У танлаган кишиларга доимо қулоқ солиб, садоқатли бўлиш муҳимлигини болангизга тушунтиринг.