Bu bo‘limda taxminan 80 yil ichida shoh Shoul va shoh Dovudning hayotida sodir bo‘lgan voqealar yozilgan. Avvaliga Shoul kamtarin va xudotars edi. Ammo u tez orada o‘zgarib, Yahovaga bo‘ysunmay qo‘ydi. Shu bois Yahova uni rad etdi. Keyinchalik U Shomuilga Dovudni moylab, uni shoh sifatida tanlashni buyurdi. Hasadchi Shoul bir necha marotaba Dovudni o‘ldirishga urindi. Lekin Dovud hech qachon qasos olishga intilmadi. Shoulning o‘g‘li Yo‘natan Dovudni Yahova tanlaganini bilgani uchun unga sadoqatli edi. Dovud bir nechta jiddiy gunohga qo‘l urdi, biroq Yahovaning ta’lim-tarbiyasini aslo rad etmadi. Agar ota-ona bo‘lsangiz, Yahovaga va rahbarlik qilish  uchun U tanlagan kishilarga doimo quloq solib, sadoqatli bo‘lish muhimligini bolangizga tushuntiring.