Tshino tshipiḓa tshi amba nga ha miṅwaha i ṱoḓaho u vha 80 ya nganeavhutshilo ya Khosi Saulo na Khosi Davida. Mathomoni, Saulo o vha tsha tshi ḓiṱukufhadza na u ofha Mudzimu, fhedzi nga u ṱavhanya a shanduka nahone a hana u tevhela vhulivhisi ha Yehova. Yehova a mu laṱa nahone nga u ya ha tshifhinga, a laedza Samuele uri a ḓodze Davida uri a vhe khosi i tevhelaho ya Isiraele. Saulo nge a vha na vivho o lingedza u vhulaya Davida zwifhinga zwinzhi, fhedzi Davida ho ngo ḓilifhedzela. Murwa wa Saulo, Yonathani, o vha a tshi zwi ḓivha uri Davida o khethiwa nga Yehova, nga zwenezwo a fulufhedzea kha Davida. Davida o ita zwivhi zwihulwane, fhedzi o thetshelesa musi Yehova a tshi mu kaidza. Arali ni mubebi, thusani ṅwana waṋu u vhona ndeme ya u tikedza ndugiselelo dza Yehova tshifhinga tshoṱhe.