Introduksyon ha Seksyon 7
Ginhihisgotan hini nga seksyon an kasaysayan nira Hadi Saul ngan Hadi David; mga 80 ka tuig an kahilawig hini. Ha tinikangan, hi Saul mapainubsanon ngan may kahadlok ha Dios, pero ha urhi nagbag-o hiya ngan waray na magpagiya kan Jehova. Iginsalikway hiya ni Jehova, ngan ha urhi, ginsugo ni Jehova hi Samuel nga dihogan hi David sugad nga sunod nga hadi han Israel. Tungod ha pangabugho ni Saul, damu ka beses nga iya gin-ikaparatay hi David, pero waray gud bumulos hi David. Maaram an anak ni Saul nga hi Jonatan nga hi David an pinili ni Jehova, salit maunungon hiya kan David. Nakabuhat hi David hin seryoso nga mga sala, pero waray gud niya isalikway an disiplina ni Jehova. Kon usa ka nga kag-anak, buligi
an imo anak nga masabtan nga importante an pagsuporta pirme ha mga kahikayan han Dios.HINI NGA SEKSYON
LEKSYON 39
An Siyahan nga Hadi han Israel
Gintagan han Dios an mga Israelita hin mga hukom basi manguna ha ira, pero karuyag nira hin hadi. Gindihogan ni Samuel hi Saul sugad nga siyahan nga hadi, pero ha urhi, iginsalikway hiya ni Jehova. Kay ano?
LEKSYON 40
Hi David Ngan hi Goliat
Hi David an ginpili ni Jehova nga sunod nga magigin hadi han Israel, ngan iginpakita ni David nga waray magsayop hi Jehova ha pagpili ha iya.
LEKSYON 41
Hi David Ngan hi Saul
Kay ano nga nangangalas hi Saul kan David, ngan ano an ginbuhat ni David?