Gi paparaha re nafura tipa gu raka nangia ga Bakindo Saura gbiati ga Bakindo Davide, na gu bagizo regbo agu apai re amangi adu wa agarã 80. Ti tonatonaha, Bakindo Saura adu ni boro umbasitise na ni gu boro naana gunde ti Mbori, ono si aaimanga te ko ki sa sinoko na ki ká ka pekafuo ga Yekova arugapai. Yekova aká ko, kusa, ko ki rugu Samuere nga ko mbedi Davide ni Bakindo aYisaraere kubako. Gu boro kpihe nangia Saura re aˈasadi bara dunguhe ka imo Davide, ono Davide aironga bape te. Wiri Saura nangia Yonatana aima ino gupai nga Davide nangia gu boro Yekova asia ni, sidu, ko adu ni ruruko fu Davide. Davide aima manga bete kere aingapai, ono ko aakanga ga Yekova arugute te. Kangia vungugude nga mo, mo undo wiro u inipa nyakapa songoda ga Yekova ambakadapai.