Ro rasaló midid 7
Ló midid reʼ sasuidyno xí guirá buny rey Saúl né rey David, guirá ndeʼ góc ló 80 íz. Primer, Saúl gócbu buñdxo né bisobbu Dios, per diti xidzú bitzaʼbu mod gócbu né ma diti gosaguelbu nasobdiitzbu Jehová. Por ngú Jehová goleʼ láabu tiplad né bixelbu Samuel par naliñabu David ñony mandary gudx Israel. Saúl nigolú bianladxbu David né xidal buelt biyopybu mod nagaitybu David, per David bituidy láani scásiʼ. Xiingaʼn Saúl ni góc laa Jonatán gonbu que Jehová ma golúbu David, por ngú dipa bisiambu David. David buny tipnés galkié rodann nisló Dios, per guirá ór cuacuentbu xilitz Jehová. Pal ma noʼ xiinlo, gocné láabu guiembu xigony nigolú
rasac guisobno Jehová né guisobno buñ ni ma golúbu par guisanir lainy xcudxbu.LÓ MIDID REʼ
LESIONY 39
Primer rey ni gop gudx Israel
Jehová goloʼ jueces par nasanir nisló israelitas, per layibu goniiny ñapyibu toib rey. Samuel biliñabu Saúl par gac rey, per después Jehová goleʼ láabu tiplad. ¿Xigony?
LESIONY 40
David né Goliat
Jehová golú David par guidxin gony mandarybu gudx Israel né David raslooybu que sony mandarybu galán.