Fã 8 ɔ Nya Blimi Munyu
Yehowa ha Solomon nile babauu. E ha lɛ he blɔ kaa e ma sɔlemi we ɔ hulɔ. Se nyagbenyagbe ɔ, Solomon kpa Yehowa jami. Ke o ji fɔlɔ ɔ, moo tsɔɔ o bi ɔ konɛ e na bɔ nɛ lakpa mawu jali ha nɛ Solomon kpa Mawu jami ha. Matsɛ yemi ɔ mi gba, nɛ matsɛmɛ nɛ a peeɔ ní yayahi ha nɛ ma a tsuo kua Mawu, nɛ a ja amagahi. Jamɛ a be ɔ mi nɔuu ɔ, a wa Yehowa gbali fuu nɛ a yeɔ anɔkuale ɔ yi mi, nɛ a gbe mɛ. Manyɛ Jezebɛl ha nɛ matsɛ yemi ɔ fã nɛ ngɛ yiti je ɔ kua Yehowa kulaa pe kekle ɔ po. Nɔ́ ko kaa kikɛ bɛ Israel hyɛ. Se kɛ̃ ɔ, Israel bi fuu ye anɔkuale nɛ a sɔmɔ Yehowa. A kpɛti ni komɛ ji Matsɛ Yehoshafat kɛ gbalɔ Eliya.
NGƐ FA NƐ Ɔ
Yehowa Sɔlemi We ɔ
Mawu Matsɛ Solomon sɔlemi ɔ heto, nɛ e ha lɛ he blɔ nguahi.
Matsɛ Yemi ɔ Mi Gba
Israel bi fuu kpa Yehowa jami.
Nɔ́ Ko Ya Nɔ Ngɛ Kamɛl Yoku ɔ Nɔ
Mɛni ji anɔkuale Mawu ɔ? Yehowa, aloo Baal?
Yehowa Wo Eliya He Wami
Anɛ o susu kaa Yehowa ma nyɛ maa wo mo hu he wami?
A Tle Yalɔyo Ko Binyumu Si
Nyakpɛ ní enyɔ ya nɔ ngɛ we kake mi!
A Gbla Manyɛ Ko Nɛ E Yi Mi Wa Tue
Jezebɛl so kaa e maa gbe Israel no ko nɛ a tsɛɛ lɛ ke Nabot konɛ e ngɔ nyumu ɔ wai ngmɔ ɔ! Yehowa na yi wu tso níhi nɛ e pee, kɛ bɔ nɛ e sisi nihi ha a tsuo.
Yehowa Ye Bua Yehoshafat
Benɛ ma komɛ nɛ a ji Yuda bi ɔmɛ a he nyɛli te si kɛ wo mɛ ɔ, Matsɛ Yehoshafat sɔle kɛ ha Mawu.
