Йәһүә Сөләймәнде́ фатихалаған һәм иҫ киткес аҡыл биргән. Шулай уҡ уға ғибәҙәтхана төҙөү эшен ышанып тапшырып, ҙур хөрмәт күрһәткән. Ләкин Сөләймә́н Йәһүәне ҡалдырған. Был китапты бала менән уҡыһағыҙ, уға шуны аңлатығыҙ: Сөләймә́н ялған илаһтарға табыныусылар арҡаһында Алланан йыраҡлашҡан. Батшалыҡ икегә бүленгән, насар батшалар халыҡты мөртәтлеккә һәм ялған табыныуға батырған. Ул ваҡытта Йәһүәгә тоғро ҡалған пәйғәмбәрҙәрҙе эҙәрләгәндәр һәм үлтергәндәр. Төньяҡ батшалыҡта яуыз батшабикә Изәбә́л арҡаһында мөртәтлек бигерәк тә ныҡ таралған. Ул заман Изра́иль халҡы тарихына ҡараңғы осор булараҡ инеп ҡалған. Шулай ҙа изра́илдәр араһында  Йәһүәгә тоғро ҡалған хеҙмәтселәр ҙә әҙ булмаған. Улар араһында Иосафа́т батша һәм Илья́с пәйғәмбәр.