Majubul ma pes 8
Yéhôva a bi sayap Salômô ni hélha pék, a ti ki nye nsima i oñ témpel. Ndi ndék ni ndék, a kôm Yéhôva mbus. Ibale u gwé man, toñle nye lelaa bôt ba kwéha base ba bi ôt Salômô haa ni Djob. Ane i bi baglana, bibéba bi bikiñe bi jubus litén ikété base i bisat, ni i kolba Yéhôva. Mu ngéda i nyen ngandak bapôdôl ba Yéhôva i bi kôs ndééñga, ba nol ki bape. Kiñe muda le Yézabel a bi tinde ane i pes ñombok i yin ikété béba, yin ni yin. Hala a bi ba dilo dibe ngandak mu ñañ u bon ba Israel. Ndi mu loñ Israel, ngandak i bi téñbe i gwélél Yéhôva; mu nsoñgi wap di nla sima Kiñe Yéhôsafat ni mpôdôl Élia.
MUNU PES INI
Témpel inyu Yéhôva
Djob a bi ti kiñe Salômô i yom a bi bat nye, a kônde ki nye bisai bikeñi.
Ane i nkéba bipes biba
Ngandak bon ba Israel i bi waa gwélél Yéhôva.
Manoodana i ngii Hikôa Karmel
Njee a yé bañga Djob? Yéhôva tole Baal?
Yéhôva a bi lédés Élia
Baa u nhoñol le a nla lédés yak we?
Man yik muda a ntémb i niñ
Bihélha bi mam biba ikété nlélém ndap!
Béba kiñe muda i nkôhna kogse
Yézabel a ñôô jimp inyu nol man Lôk Israel wada le Nabôt ndik inyu kadal wom wé u minkôô mi wai! Béba yé ni ngitelepsép yé bi bé bé bi sôli i mis ma Yéhôva Nyambe.
Yéhôva a nsôñ Yéhôsafat
Loñge kiñe Yéhôsafat i bi hielba yak Djob ikété masoohe ngéda biloñ bi bé oo Yuda bi bi han bo.