Amashiwi ya Kutendekelako mu Cipande 8
Yehova alipaalile Solomone ica kuti ali sana na mano kabili alimupeele no mulimo wa kukuula itempele, lelo mu kupita kwa nshita alishile Yehova. Nga muli bafyashi, londolweleni umwana wenu ifyo abalepepa balesa ba bufi balengele Solomone aleka ukupepa Lesa. Ubufumu bali bwakenye, kabili imfumu ishalecita ifyabipa shalengele abena Israele baba abasangu kabili batendeka no kupepa utulubi. Pali ilya nshita bakasesema abali ne cishinka kuli Yehova balebacusha kabili balebepaya. Namfumu Yesebele alengele abali mu Bufumu bwa ku kapinda ka ku kuso ukuba sana abasangu. Iyi yali ni nshita ya mfifi ku bena Israele. Na lyo line mu bena Israele mwali ababomfi ba kwa Yehova abengi abali ne cishinka pamo nga Imfumu Yehoshafati e lyo na kasesema Eliya.
MULI ICI CIPANDE
Itempele lya kwa Yehova
Lesa alitemwe ifyo Imfumu Solomone yalombele kabili alimupeel imilimo iikalamba.
Ubufumu Babwakanya
Abena Israele abengi balilekele ukupepa Yehova.
Ifyacitike pa Lupili lwa Karmele
Bushe Lesa wa cine nani? Bushe ni Yehova nelyo Baali?
Yehova Alikoseshe Eliya
Bushe ulemona ukuti na iwe kuti akukosha?
Umwana wa kwa Mukamfwilwa Balimubushishe Ilyo Afwile
ifisungusho fibili mu ng’anda imo ine!
Namfumu Umubi Bamukanda
Yesebele apekanya ukwipaya Nabote umwina Israele no kupoka ibala yakwe ilya myangashi! Yehova alimwene ifyabipa ifyo alecita e lyo ne fyo alefyenga abantu.
Yehova Acingilila Yehoshafati
Imfumu Yehoshafati yalepepa kuli Lesa nga abalwani balefwaya ukusansa aba Yuda.