Lentrodiksyon Seksyon 8
Zeova ti beni Salomon avek en kantite lasazes e donn li sa privilez pour konstri tanp. Me avek letan, Salomon ti kit Zeova. Si ou en paran, eksplik ou zanfan ki mannyer bann dimoun ki ador zidol ti fer Salomon aret ador Zeova. Rwayonm ti ganny divize an de e bann move lerwa ti enfliyans bann dimoun pour vir kont vre ladorasyon e ador zidol. Pandan sa letan, en kantite profet Zeova ki ti fidel ti ganny persekite e touye. Larenn Zezabel ti vin en move lenfliyans e i ti fer rwayonm dan nor vir konpletman kont Zeova. I ti en letan vreman difisil dan listwar Izrael. Me i ti ankor annan en kantite serviter Zeova ki ti fidel parmi bann Izraelit. Par egzanp i ti annan Lerwa Zeosafat ek profet Eliya.
DAN SA SEKSYON
LESON 49
En move larenn i ganny pini
Zezabel i fer konplo pour touy Nabot pour vol son plantasyon! Zeova ti vwar sa bann move keksoz ek lenzistis ki Zezabel ti pe fer.