Jehobak Salomon bedeinkatu zuen jakinduria handia eta tenplua eraikitzeko aukera emanez. Baina Salomonek Jehoba alde batera utzi zuen poliki-poliki. Seme-alabak badituzu, azal iezaiezu nola urrundu zuten adoratzaile faltsuek Salomon Jainkoarengandik. Erreinua banandu egin zen eta errege txarrek nazioa apostasiara eta idoloen gurtzara eraman zuten. Jehobaren profeta leial askok pertsekuzioa jasan zuten eta asko hil egin zituzten. Jezabel erreginak iparraldeko erreinua apostasian are gehiago murgildu zuen. Israelgo historiako egun ilunak izan ziren haiek. Halere, Jehobaren zerbitzari leial asko zegoen israeldarren artean, adibidez, Josafat eta Elias.