Kabwarabwaraani Mwakoro 8
E kakabwaiaaki Toromon iroun Iehova ao e anganaki te wanawana ae bati ao te mwioko naba ibukini katean te tembora, ma teutana imwin teutana e a kitana Iehova. Ngkana te karo ngkoe, kabwarabwaraa nakon natim aroia taan taromauri ni kewe ni kaira Toromon bwa e na kitana te Atua. E a bwenaua te tautaeka n uea, ao ueea aika buakaka a a kaira te natannaomata aei bwa e na tannako man te koaua ao n taromaurii bouannanti. N te tai aei, a bati ana burabeti Iehova aika kakaonimaki ni koaua ake a bwainikirinaki ao ni kamateaki. E kaira te tautaeka n uea mai meang te Ueannaine are Ietebera bwa e na riao riki aroia n tannako man te koaua. Bon aei te tai ae kakamaaku n rongorongoia tibun Iteraera. Ma a boni bati naba ana toro Iehova ake a teimatoa ni kakaonimaki i buakoia tibun Iteraera, n ikotaki ma te Uea are Ieotiabata ao te burabeti are Eria.
N TE MWAKORO AEI
REIREI 44
Te Tembora Ibukin Iehova
E butimwaeaki ana bubutii te Uea are Toromon iroun te Atua ao e anganna kakabwaia aika rianako.
REIREI 48
E a Manga Maiu Natin te Aine ae E a Tia ni Mate Buuna
Kakai aika uoua n te auti ae tii teuana!
REIREI 49
E Katuuaaeaki te Ueannaine ae Buakaka
E bairea tiringan Nabota Ietebera, tii ibukin iraean ana nne ni kureebe! A bon noraki iroun Iehova ana mwakuri aika buakaka
REIREI 50
E Tei Iehova Ibukin Ieotiabata
E okira te Atua te Uea ae raoiroi ae Ieotiabata rinanon te tataro ngke e kakamaakaki Iuta irouia natannaomata ake a kairiribai.