De Salomo chunnt vo Jehova ganz vil Wiisheit über. Und er dörf de Tempel baue. Aber gliich verlaat de Salomo Jehova mit de Ziit. Erklär dim Chind, wie dass es d Götzeabeter schaffed, dass de Salomo vo Jehova weggaht. Später wird s Königriich Israel teilt. Schlechti Könige bringed s Volk dezue, dass es abtrünnig wird und Götze abetet. I dere Ziit werded vil treui Prophete verfolgt und umbracht. D Königin Isebel macht, dass es im 10-Stämme-Riich immer meh abtrünnigi Lüt git. Es isch würklich ganz e schwirigi Ziit für s Volk Israel. Trotzdem hets immer no vil treui Diener vo Jehova, wie zum Bispil de König Josaphat und de Prophet Elia.