Jehová ovendesi vaʼekue Salomónpe, omoarandu ha omeʼẽ vaʼekue chupe pe priviléhio omopuʼã hag̃ua pe témplo. Péro mbeguekatúpe Salomón oñemomombyry vaʼekue Jehovágui. Erekóramo mitã emombeʼu chupe umi hénte oadoráva umi dios fálsope omomombyry hague Salomónpe Jehovágui. Upéi pe rréino de Israel ojedividi ha ogoverna chupekuéra umi rréi iñañaitereíva ha ogueraha vaipáva umi héntepe. Haʼekuéra opuʼã Jehováre ha oadora umi dios fálso raʼanga. Umi rréi iñañaitéva ogovernaha tiémpope, ojepersegi ha ojejuka vaʼekue heta proféta iñeʼẽrendúvape Jehovápe. Pe rréino del nórtepe, rréina Jezabel oñemoĩ mbarete vaʼekue Jehováre ha heta hénte omoirũ vaʼekue chupe. Upe tiémpope ijetuʼueterei vaʼekue la situasión Israélpe. Upéicharõ jepe,  oĩ vaʼekue avei heta israelita osegíva iñeʼẽrendu Jehovápe, umíva apytépe oĩ vaʼekue rréi Jehosafat ha proféta Elías.