Jewova te beni Salomon, li te ba l anpil sajès e li te ba l privilèj pou l fè tanp lan. Men, tikras pa tikras, Salomon te kite Jewova. Si w se yon papa oswa yon manman, esplike pitit ou ki jan moun ki t ap adore fo dye yo te fè Salomon vire do bay Bondye. Wayòm nan te divize, anpil wa mechan te fè pèp la kite Jewova e yo te fè yo tonbe nan adore zidòl. Pandan epòk sa a, yo te pèsekite anpil pwofèt Jewova ki te fidèl e yo te touye yo. Rèn Jezabèl te fè moun nan wayòm nò a vire do bay Jewova pi plis toujou. Se te yon epòk difisil nan istwa pèp Izrayèl la. Men, te toujou gen anpil Izrayelit ki t ap sèvi Jewova, tankou wa Jozafa ak pwofèt Eli.