Omambo wokomeho wOrupa 8
Jehova wa sera Salomo ondaya mokumupa ounongo ouhimise nouyara wokutunga ondjuwo ye ondjapuke, posiya eye wa yenda ama poka ku Jehova kouṱiṱiṱiṱi. Tji u ri omunene, kahururira omuatje woye kutja omerikotameneno woposyo ya pora vi Salomo ku Mukuru. Ouhona wa haṋikire nu ozombara ozombi za tjita kutja otjiwaṋa tji poke ku Mukuru nokurikotamena kovisenginina. Moruveze ndwo ovaprofete ovengi mba ri ovaṱakame ku Jehova va tatumisiwa nokuzepewa. Ombara oserekaze Isebel ya tjita kutja ouhona wokeyuva kokunene u poke ku Jehova. Rwa ri oruveze rwouzeu navi momakuruhungi waIsrael. Posiya ngunda pari ovakarere vaJehova ovengi mokati kOvaisrael mba ri ovaṱakame, tjimuna Ombara Josafat nomuprofete Elia.
MORUPA NDWI
EHONGWA 44
Ondjuwo ondjapuke yaJehova
Mukuru wa yakura omaningiriro wOmbara Salomo nemupe omerizirira omanene.
EHONGWA 49
Ombara oserekaze ombi mai verwa
Isebel wa tya okuzepa Omuisrael wena Nabot kutja me mu yeke ehi re romakunino! Jehova Mukuru aa munu ourunde nouhasemba Isebel mbwaa tjiti.
EHONGWA 50
Jehova wa rwira Josafat
Ombara ombwa Josafat ya kumba ku Mukuru indu Ovajuda tji va tirisiwa i ovanavita nawo.