Jaku Pemuka ke Begian 8
Jehovah merekatka Solomon enggau penemu-dalam sereta meri iya pengawa nirika rumah sembiang, tang belubah-lubah iya ninggalka Jehovah. Enti nuan apai indai, terangka ngagai anak nuan baka ni orang ke nyembah petara pelesu ngelimpangka Solomon ari Petara. Perintah iya bebagi dua lalu bala raja ti jai mai bansa limpang ari pengarap sereta nyembah patung. Ba maya nya, mayuh nabi ti tetap ati ngagai Jehovah diperinsa lalu dibunuh. Kuin Jesebel mai perintah ba begian utara majak limpang ari pengarap. Tu maya ti pemadu tusah ba sejarah bansa Israel. Tang agi mayuh nembiak Jehovah ke tetap ati, baka Raja Jehosapat enggau nabi Elijah.
BA BEGIAN TU
Rumah Sembiang ke Jehovah
Petara gaga ati nerima utai ke dipinta Raja Solomon lalu meri iya mayuh berekat.
Perintah Bansa Israel Bebagi
Mayuh orang Israel badu nyembah Jehovah.
Jehovah Nunjukka Iya Petara ti Bendar
Sapa Petara ti bendar? Jehovah tauka Baal?
Jehovah Ngeringka Elijah
Kati nuan ngasaika Iya ulih ngeringka nuan mega?
Anak Lelaki Seiku Indu Balu Idup Baru
Dua iti kereja ajih ba siti rumah!
Kuin ke Jai Diukum
Jesebel ngaga pelan deka munuh Nabot ngambika ulih ngerampas kebun anggur iya! Penyai ke dikereja iya enda ulih dilalaika ari Jehovah.
Jehovah Ngelindung Jehosapat
Raja Jehosapat ti manah besampi ngagai Petara lebuh Judah diemba munsuh.