Ihe A Na-aga Ịkọ ná Nkebi nke 8
Jehova nyere Solomon amamihe dị egwu. O kwekwara ka ọ rụọrọ ya ụlọ nsọ. Ma, Solomon ji nwayọọ nwayọọ kwụsị ife Chineke. Ọ bụrụ na ị bụ nne ma ọ bụ nna, mee ka nwa gị ghọta otú arụsị Solomon malitere ife si mee ka ọ kwụsị ife Chineke. E mechara kewaa alaeze Izrel ụzọ abụọ. Ndị eze chịrị ndị Izrel mere ka ha kwụsị ife Chineke fewezie arụsị. N’oge ahụ, e mesiri ọtụtụ ndị amụma ji obi ha niile na-efe Jehova ike, gbuokwa ha. Eze Nwaanyị aha ya bụ Jezibel mere ka ọtụtụ ndị nọ n’alaeze ebe ugwu kwụsị ife Jehova ma fewe arụsị. E nwere nsogbu n’Izrel oge ahụ. Ma, a ka nwere ọtụtụ ndị na-efe Jehova n’Izrel n’oge ahụ. Ụfọdụ n’ime ha bụ Eze Jehoshafat na Ịlaịja.
NÁ NKEBI A
ISI NKE 47
Jehova Emee Ka Obi Sikwuo Ịlaịja Ike
Ì chere na Chineke nwere ike ime ka obi sikwuo gị ike ka Ịlaịja?
ISI NKE 49
Jehova Egbuo Eze Nwaanyị Ọjọọ
Jezibel kpara nkata ka o gbuo Nebọt iji nara ya ubi vaịn ya. Jehova kwụrụ ya ụgwọ ihe ọjọọ a o mere.
ISI NKE 50
Jehova Enyere Jehoshafat Aka
Mgbe ndị iro Juda bịara ịlụso ya ogụ, Jehoshaphat, bụ́ ezigbo Eze, rịọrọ Chineke ka o nyere ha aka.
