Inikkan ni Jehova ni Solomon iti naisangsangayan a sirib ken iti pribilehio a mangibangon iti templo, ngem in-inut a pinanawanna ni Jehova. No maysaka a nagannak, ilawlawagmo iti anakmo no kasano a naimpluensiaan ni Solomon kadagiti agdaydayaw iti ulbod a dios. Nabingay ti pagarian, ken insungsong dagiti dakes nga ari ti nasion iti panagdayaw kadagiti ulbod a dios ken iti apostasia. Adu a matalek a propeta ni Jehova ti naidadanes ken napapatay. Pinakaro ni Reyna Jezebel ti apostasia iti makin-amianan a pagarian. Nagrigat dayta a panawen iti pakasaritaan ti Israel. Ngem adu latta dagiti matalek nga Israelita a nagserbi ken Jehova, kas kada Ari Jehosafat ken propeta Elias.