Yehowa wazɩ Salomɔɔ nɛ ɛha-ɩ lɔŋsɩnɖɛ siŋŋ nɛ ɛha-ɩ ɖɔɖɔ waɖɛ se ɛma templo, ɛlɛ ɛkɔɔ nɛ eposi ɛ-tɩ nɛ Yehowa pazɩ pazɩ. Ye ŋkɛ lʋlɩyʋ yɔ, wɩlɩ ña-pɩɣa ɛzɩma sɩɩnaa layaa yeba nɛ Salomɔɔ ha Yehowa siɣye yɔ. Patayɩ kewiyaɣ taa nɛ awiya kɩdɛkɛdaa yele nɛ tisuu yebu nɛ sɩʋ kpelisi sɛtʋ sʋʋ ɛjaɖɛ taa. Halɩ abiɖe Yezaabɛɛlɩ yeba nɛ tisuu yebiyaa ɖɔɔ hayo kiŋ kewiyaɣ taa siŋŋ. Alɩwaatʋ ndʋ tɩ-taa, kɩdɛkɛdɩm kaatɔyɩ Izrayɛɛlɩ kewiyaɣ taa nɛ nabʋyʋ taaɖɔŋ camɩyɛ. Paa mbʋ yɔ, ɛyaa nabɛyɛ kaawɛɛ nɛ pɛsɛɣ Yehowa siɣsiɣ, pa-taa nabɛyɛ lɛ Wiyaʋ Yozafaatɩ nɛ nayʋ Eliya.