Etwalemo loshitukulwa 8
Jehova okwa li a nangeka noupuna Salomo moku mu pa ounongo muhapu noufembanghenda wokutunga otembeli, ashike hauxuuninwa okwa ka fiya po Jehova. Ngeenge ou li omudali, yelifila okaana koye nghee ovalongelikalunga voipupulu va li va ningifa Salomo a efe po Kalunga. Ouhamba owa li wa tukaulwa, neehamba dii oda li da ningifa oshiwana shi ninge oshishunimonima noshi longele oikalunga. Pefimbo opo, ovaprofeti vaJehova vahapu ovadiinini ova li va hepekwa nokudipawa. Ohamba Isabel oya li ya twalifa ouhamba wokolundume moushunimonima. Onghalo muIsrael oya li ya naipala pefimbo opo. Ndele nande ongaho, opa li ovapiya vaJehova vahapu ovadiinini mokati kOvaisrael, mwa kwatelwa ohamba Josafat nomuprofeti Elia.
MOSHITUKULWA ESHI
Jehova ta tungilwa otembeli
Kalunga okwa li a hokwa eindilo lohamba Salomo ndele te mu pe omaufembanghenda manene.
Ouhamba waIsrael tau tukulwa
Ovaisrael vahapu ova li va efa po okulongela Jehova.
Eyeleko komhunda yaKarmel
Kalunga kashili elipi? OJehova ile oBaal?
Jehova okwa li a pameka Elia
Mbela oto diladila kutya naave ota dulu oku ku pameka?
Okamonamati komufiyekadi ka nyumunwa
Oikumwifalonga ivali ya ningilwa meumbo limwe
Ohambanghainhu ikolokoshi ya handukilwa
Isebel okwa li a pangela omhangela a dipae Omuisrael wedina Nabot opo a vake po oshikunino shomandjebele. Jehova okwa li e wete oukolokoshi nokuhenouyuki kwaye.
Jehova ta amene Josafat
Ohamba iwa Josafat oya li ya ilikana kuKalunga eshi Juda sha li tashi ningilwa omatilifo koiwana yovatondi.
