Jihova ua besoala Solomá ni unjimu uonene, iu ua mu bhana ujitu ua kutunga o tembulu, maji mu kubhita kithangana muene ua xisa Jihova. Se u tata, kuatekesa mon’é kumona kiebhi o athu kia kexile mu bheza jinzambi ja makutu ja bhangesa Solomá kuxisa Nzambi. O utuminu a u uanuna, jisobha jaiibha ja bhangesa o mundu kuxikina o ubhezelu ua makutu ni kubheza iteka. Mu kithangana kienhiókio, jipolofeta javulu ja Jihova a a zukutisa anga a a jibha. O mvuale Jezabele ua bhangesa o mbandu ia utuminu ua thunda kubheza jinzambi ja makutu. Kiexile kithangana kia bhonzo mu musoso ua Izalaiele. Maji mu’axaxi ka akua Izalaiele kuexile jiselevende javulu ja fiiele ja Jihova, kála Sobha Jozafate ni polofeta Elija.