Yehowa bîlanî û fereset da Silêman, wekî paristgehê ava ke, lê hêdî-hêdî ew dûrî Yehowa ket. Hergê zarên we hene wanara şirovekin, wekî hema ewan meriva, yên ku serê xwe ber pûta datanîn, Silêman ji Xwedê dûr xistin. Padşatî bû du para û padşên xirab usa kirin, wekî cimet bawerî û riya rast hîştin, û destpêkirin serê xwe ber pûta daynin. Wî çaxî gelek pêxemberên ku Yehowara amin bûn, rastî peyketina dihatin û dihatine kuştinê. Jin-padşa Îzabêlê, padşatiya bakurê kire nava pûtparistiyê, çi ku ji raberîbûnê xirabtir bû. Terîxiya Îsraêliyada ew zemanên lape xirab bûn. Lê nava Îsraêliyada hela hê hebûn merivên usa, yên ku Yehowara amin bûn, yek ji wan ew Yehoşefat Padşa û Êlyas pêxember bû.