ಯೆಹೋವನು ಸೊಲೊಮೋನನಿಗೆ ದೇವಾಲಯವನ್ನು ಕಟ್ಟುವ ಸೌಭಾಗ್ಯ ಹಾಗೂ ಅಪಾರ ವಿವೇಕ ಕೊಟ್ಟು ಆಶೀರ್ವದಿಸಿದನು. ಆದರೆ ಸೊಲೊಮೋನ ಕ್ರಮೇಣ ಯೆಹೋವನಿಂದ ದೂರ ಹೋದ. ಸುಳ್ಳು ಆರಾಧಕರು ಸೊಲೊಮೋನನನ್ನು ಯೆಹೋವನಿಂದ ಹೇಗೆ ದೂರ ಮಾಡಿದರು ಎಂದು ಮಕ್ಕಳಿಗೆ ವಿವರಿಸಿ. ಇಸ್ರಾಯೇಲ್‌ ರಾಜ್ಯವು ಎರಡು ಭಾಗವಾಯಿತು. ಕೆಟ್ಟ ರಾಜರಿಂದ ಧರ್ಮಭ್ರಷ್ಟತೆ ಹಾಗೂ ವಿಗ್ರಹಾರಾಧನೆ ಜಾಸ್ತಿ ಆಯಿತು. ಈ ಸಮಯದಲ್ಲಿ ಯೆಹೋವನಿಗೆ ನಿಷ್ಠರಾಗಿದ್ದ ಅನೇಕ ಪ್ರವಾದಿಗಳನ್ನು ಹಿಂಸಿಸಿ ಕೊಲ್ಲಲಾಯಿತು. ಈಜೆಬೆಲ ರಾಣಿ ಉತ್ತರದ ರಾಜ್ಯಗಳು ಧರ್ಮಭ್ರಷ್ಟತೆಯಲ್ಲಿ ಮುಳುಗಿಹೋಗುವಂತೆ ಮಾಡಿದಳು. ಅದು ಇಸ್ರಾಯೇಲಿನ ಇತಿಹಾಸದಲ್ಲೇ ಅತಿ ಕರಾಳವಾದ ಸಮಯವಾಗಿತ್ತು. ಆದರೆ ಆಗಲೂ ರಾಜ ಯೆಹೋಷಾಫಾಟ ಹಾಗೂ ಪ್ರವಾದಿ ಎಲೀಯನಂಥ ಅನೇಕ ಇಸ್ರಾಯೇಲ್ಯರು ಯೆಹೋವನಿಗೆ ನಂಬಿಗಸ್ತರಾಗಿದ್ದರು.