Yehova mwatsumulha Solomona omw’imuha amenge manene n’olhusunzo olhw’erihimba ehekalu, aliwe omwa lyolho-lyolho mwasighania Yehova. Wamabya iwuli mubuthi, soborera omwana wawu ngoku abaramya b’amabehi mubalhusya Solomona y’oku Nyamuhanga. Obwami mubwaghabwa, n’abami babi mubaleka Abaisraeli ibayisamambulha okw’ikirirya n’eritsuka eriramya esyosanamu. Omwa buthuku obo, abaminyereri ba Yehova abathaleghulha bangyi mubendereribwa n’er’ithibwa. Omwami-kali Yezebeli mw’ingirya kutsibu ab’omwa bwami bw’endatha omw’iyisamambulha okw’ikirirya. Bwabya buthuku obukalire omw’ibyaho ly’Abaisraeli. Aliwe omwa Baisraeli mwabya imukine abandi baghombe ba Yehova abathaleghulha bangyi, nga Omwami Yehosafati n’omuminyereri Eliya.