Biji mu Kipungu 8
Yehoba wapele Solomone maana ne mwingilo wanema bingi wa kushimika nzubo ya Lesa. Bino mu kuya kwa moba, Solomone wasatukijile Yehoba. Inge mwi bansemi, lumbulwilai mwanenu bapopweshi babulela byo baongwele Solomone kumufumya kwi Lesa. Kino kyalengejile bufumu kwabanapo. Bamfumu babulanga kwakamwa Lesa balengejile bantu kutendeka kupopwela bankishi. Bapopweshi bavula ba Yehoba bebamanyikanga ne kwibepaya. Muka Mfumu aye Yezebeli wakumbenye bupopweshi bwa bubela mu bufumu bwa ku kabeta ka buyeke. Aa moba atamine bingi mu Isalela. Nangwa byonkabyo, mu Isalela mwajinga bapopweshi bavula bakishinka kwi Yehoba. Pa bano bantu pajinga Mfumu Yehoshafwata ne ngauzhi Elaija.
BIJI MU KINO KIPUNGU
Nzubo ya Yehoba
Lesa waumvwine byalombele Mfumu Solomone kabiji wamupele mingilo yavula bingi.
Bufumu Bwaabenepo
Beba Isalela bavula balekele kupopwela Yehoba.
Kyamwekele pa Mutumba wa Kamela
Lesa wa kine ye ñanyi? Yehoba nyi, Baela?
Yehoba Wakoseshe Elaija
Nanchi ne obewa wakonsha kukukosesha nyi?
Mwana wa Mwanamukazhi Wafwilwa Bamusangwile
Bya kukumya bibiji mu imo!
Muka Mfumu Wakanamine Bamukambula
Yezebeli wafuukula bya kwipaya Nabota kuba’mba atambule bujimi bwa miñanzañanza. Yehoba wamukambwile pa byo aubulenga.
Yehoba Wazhikijila Yehoshafwata
Mfumu Yehoshafwata walombele kwi Lesa kimye muzhi wa Yuda kyo bamulukukile ku byalo byajinga pepi.
