Jehova kwa tungikire Saromo noukonentu ntani kwa mu pere situmbikira sokutunga ntembeli, nye konyima ga ya sigire Jehova. Nsene wa reta, fatwilira munoge omu vakareli woyimpempa va pukisire Saromo a sige Karunga. Uhompa kwa u gawinine, ano vahompa wovadona kwa twaredesere muhoko gu rwanese Jehova nokukarera mafano. Posiruwo oso, vaporofete wovalimburukwi vaJehova ngava va hepeke nokuvadipaga. Hompa gomukadi Jesebeli kwa ninkisire uhompa wokoMuzogo u rwanese Jehova. Esi kwa kere siruwo sosidona sili koVaisraeli. Nye simpe pwa kere vakareli vaJehova wovalimburukwi mokatji koVaisraeli, kukwatera mo hompa Johosafata ntani muporofete Eliya.