Mvovo mia Lusunzulu mia Kunku kia 8
Yave wasambula Solomo yo kumvana ngangu zayingi. Wamvana mpe lau dia tunga tempelo. Kansi, malembe-malembe wayambula sambila Yave. Avo u se, sasila kwa wan’aku una nsambil’a luvunu yabendomuena Solomo mu yambula sambila Nzambi. E kintinu kiavambana, atinu ambi bafilanga nkangu muna umpengomoki ye muna nsambil’a teke. Muna kolo kiakina, ngunza zayingi ana basikila ye kwikizi muna Yave babangikwanga yo vondwa. Izebele wa ntinu ankento watoma kotesa diaka kintinu kia node muna umpengomoki. Kiakina i kolo kiasunda e mpasi muna lusansu lwa Isaele. Kansi vana kati kwa Aneyisaele, vakala ye selo yayingi ya Yave yasonganga e kwikizi. Akaka muna yau i ntinu Yosafate yo Eleya wa ngunza.
MU KUNKU KIAKI
LONGI DIA 49
Ntinu Ankento Ambi Otumbilu
Izebele wavondesa Nabote wa mwisi Isaele kimana kakutumuna mpatu andi a vinyu. Yave wa Nzambi wamona mawonso mambi kavanganga.
LONGI DIA 50
Yave Watanina Yosafate
Yosafate wa ntinu ambote wasamba kwa Nzambi vava esi Yuda banuaniswa kwa mbeni.