Yehowa wakabenesha Solomo ne meji a bungi ne wakamupesha diakalenga dia kuibaka ntempelo, kadi Solomo wakalekela Yehowa ku kakese ku kakese. Wewe muikale muledi, umvuija muanebe muvua batendeledi ba nzambi ya dishima bapambuishe Solomo mu njila wa Nzambi. Bukalenge buakakosoloka, bakalenge babi bakafikisha tshisamba ku butontolodi ne ditendelela dia mpingu. Tshikondo atshi bavua bakengesha baprofete ba Yehowa ba lulamatu ba bungi ne babashipa. Mukalenge mukaji Yezabele wakabueja butontolodi bua bungi mu bukalenge bua ku nord. Tshivua tshikondo tshibi mu Isalele. Kadi kutshivua batendeledi ba Yehowa ba lulamatu ba bungi munkatshi mua bena Isalele bu mudi Yehoshafata ne muprofete Eliya.