Jehova noguedho Solomon gi rieko mang’eny, kendo nomiye thuolo makende mar gero hekalu, kata kamano, mosmos noweyo makore gi Jehova. Ka in janyuol, ler ne nyathini kaka joma lamo nyiseche mag miriambo nomiyo Solomon oweyo Jehova. Pinyruodh Israel nobarore, kendo ruodhi maricho nomiyo ji ochako ng’anyo kendo lamo sanamu. E kindeno, jonabi mang’eny mag Jehova ne osand kendo onegi. Jezebel chi ruoth nomiyo Jo-Israel ma ne ni e bwo loch Ahab ong’anyo ne Jehova. Weche ne tek ahinya e piny Israel. Kata kamano, pod ne nitie Jo-Israel moko ma nomakore gi Jehova, kaka Ruoth Jehoshafat kod janabi Elija.