Ivili mu ciputulwa 8
Yeova wapaazile Solomoni lino wamupeezile sana mano nupya wamupeezile nu mulimo wa kukuula itempele, nomba panono panono watile ukuombela Yeova. Nga mwemwe avyazi, londolwelini umwana winu vino ya kapepa ya ufi yalenzile ukuti Solomoni ate ukupepa Yeova. Uwene wankanikine, nupya aene aipe yalenzile ukuti antu yaye asangu nu kutandika ukupepa ivilubi. Pa nsita kwene iya, ya kasesema yakwe Yeova yayacuzyanga nu kuyakoma. Namwene Yezebele walenzile ukuti antu aa mu wene wa ku katutu yacilemo ukuya asangu. Ii yali insita ino ivintu vifile sana umu Izlaeli. Nomba umu Izlaeli mwali antu aingi aatwalilile ukuya aomvi yakwe Yeova, ukwikako nu Umwene Yeosafati na kasesema Eliya.
MU CIPUTULWA CII
SAMBILILO 44
Itempele Lyakwe Yeova
Leza waswike vino Solomoni walenzile nupya wamupeezile imilimo iingi.
SAMBILILO 48
Umwana Wakwe Mukamfwilwa Waya nu Umi Nupya
Vizungusyo viili ivyacitike umu ng’anda ili imwi!
SAMBILILO 49
Namwene Umwipe Wafululwa
Yezebele wapaanzile ukukoma umonsi umwi uwi zina lyakuti Naboti pakuti aiye icalo cakwe ica matingi! Lelo Yeova Leza waweni ulufyengo ni viipe vino wacisile.
SAMBILILO 50
Yeova Wacingilile Yeosafati
Umwene Yeosafati uwa miyele isuma akupepa kuli Leza, lino alwani yakutiinya Ayuda.