यहोवाने शलमोनला आशीर्वाद दिला. त्याने त्याला खूप बुद्धी दिली. तसंच, मंदिर बांधायचा बहुमानसुद्धा दिला. पण तो हळूहळू यहोवापासून दूर गेला आणि त्याने यहोवाला सोडून दिलं. तुम्हाला मुलं असतील तर आपल्या त्यांना हे समजण्यासाठी मदत करा, की खोट्या उपासकांनी कशा प्रकारे शलमोनला देवापासून दूर नेलं. नंतर इस्राएल राज्याचे दोन भाग झाले. वाईट राजांनी लोकांना धर्मत्यागाकडे आणि मूर्तिपूजेकडे नेलं. या काळात, यहोवाच्या कित्येक विश्‍वासू संदेष्ट्यांचा छळ करण्यात आला आणि त्यांना मारूनसुद्धा टाकण्यात आलं. ईजबेल राणीने उत्तरेकडच्या राज्यात चाललेला धर्मत्याग आणखीनच वाढवला. इस्राएल राष्ट्राच्या इतिहासातला हा सर्वात वाईट काळ होता. पण इस्राएली लोकांमध्ये यहोशाफाट राजा आणि एलीया संदेष्टा यांच्यासारखे यहोवाला विश्‍वासू असलेले अजूनही बरेच सेवक होते.