Ġeħova bierek lil Salamun b’ħafna għerf u tah il-​privileġġ li jibni t-​tempju, imma hu bil-​mod il-​mod telaq lil Ġeħova. Jekk int ġenitur, għin lil bintek jew lil ibnek jifhem kif nies li kienu jqimu allat foloz wasslu lil Salamun biex jitbiegħed minn Alla. It-​tmexxija tal-​pajjiż inqasmet, u slaten ħżiena wasslu lill-​poplu biex jaqaʼ fl-​apostasija u jqim l-​idoli. F’dan iż-​żmien, ħafna profeti leali taʼ Ġeħova kienu ppersegwitati u maqtula. Is-​Sultana Ġeżabel daħħlet is-​saltna tat-​Tramuntana f’iktar apostasija. Kien żmien diffiċli fl-​istorja taʼ Iżrael. Imma xorta waħda kien baqaʼ qaddejja leali taʼ Ġeħova fost l-​Iżraelin, bħas-​Sultan Ġeħosafat u l-​profeta Elija.