ယေဟောဝါဟာ ရှောလမုန်​ကို ထက်မြက်​တဲ့ ဉာဏ်​ပညာပေး​တ​ယ်၊ ဗိမာန်တော် ဆောက်ခွင့်​လည်း​ပေးတယ်။ ဒါပေမဲ့ တဖြည်းဖြည်း ယေဟောဝါကို သူ​စွန့်​သွားတယ်။ မိဘ​ဖြစ်မယ်ဆိုရင်၊ မှား​တဲ့​ဘာသာ​ကို ဝတ်ပြုသူတွေ​ဟာ ရှောလမုန်​ကို ဘုရား​ဆီကနေ ဝေးကွာ​သွား​စေခဲ့တယ်​ဆိုတာ ကလေးကို ရှင်းပြပါ။ အစ္စရေး​နိုင်ငံ နှစ်ခြမ်း​ကွဲ​သွားပြီး မင်းဆိုး​တွေ​က ပြည်သား​တွေကို အယူဖောက်ပြန်​စေတယ်၊ ရုပ်တု​တွေ ကိုးကွယ်​စေတယ်။ အဲဒီအချိန်​မှာ ယေဟောဝါကို သစ္စာစောင့်သိ​တဲ့ ပရောဖက်​တွေဟာ နှိပ်စက်​ခံရပြီး အသတ်​ခံ​ရတယ်။ မြောက်ပိုင်းနိုင်ငံ​က မိဖုရားယေဇဗေလဟာ အဆိုးဆုံးဖြစ်တယ်။ ဒီ​အချိန်​ဟာ အစ္စရေး​သမိုင်း​မှာ တကယ်​ဝမ်းနည်းစရာ​ကောင်းတဲ့​ အချိန် ဖြစ်ခဲ့တယ်။ ဒါပေမဲ့ ယေဟောဝါကို သစ္စာစောင့်သိ​တဲ့ အစ္စရေးတွေ ရှိပါ​သေးတယ်။ သူတို့​ထဲမှာ ဘုရင်​ယောရှဖတ်​နဲ့ ပရောဖက် ဧလိယ ပါတယ်။