Kampa peua tlaxeloli 8
Jehová kimakak Salomón miak tlalnamikilistli uan kiiljuik ma kichiua teokali. Maske Jehová tlauel kiteochijki Salomón, teipa kitlauelkajtiajki toTeotsij. Tlaj ta tikinpia mokoneuaj, xikiniljui kenijkatsa katli kinueyichiuayayaj teotsitsij, kichijkej Salomón ma kitlauelkaua Jehová. Salomón itlanauatijkayo moxelok, uan sekij tlanauatianij kichijkej israeleuanij ma kitlauelkauakaj Jehová uan ma kinueyichiuakaj teotsitsij. Ipan nopa tonali, miakej tlajtolpanextianij katli kuali kitekipanouayayaj Jehová, kintlaijiyouiltijkej uan kinmiktijkej. Jezabel kichijki nopa pilaltepetsitsij tlen mokauayaya ika norte, tlauel ma kiixpanokaj Jehová. Miakej kichiuayayaj tlen amo kuali. Maske miakej
kitlauelkajtoyaj Jehová, itstoyaj se keskij katli kuali kitekipanouayayaj, kej tlanauatijketl Josafat uan tlajtolpanextijketl Elías.TLEN NIKAJ ONKA
TLAMACHTILI 44
Teokali kampa kiueyichiuaskiaj Jehová
Jehová kipakti tlen Salomón kitlajtlanik yeka kiiljuik ma kichiua se tekitl tlen tlauel ipati.
TLAMACHTILI 49
Kitlatsakuiltijkej se siuatlanauatijketl
Jezabel kichijki ma kimiktikaj Nabot pampa kinekiyaya moaxkatis imil. Jehová kiitak nochi amo kuali tlamantli tlen kichijki.
TLAMACHTILI 50
Jehová kipaleuik Josafat
Tlanauatijketl Josafat kiueyichijki Jehová. Kema moabeuanij uan amóneuanij kinejkej kinteuisej israeleuanij, Jehová kinpaleuik.