Jehovha wakakomborera Soromona ngo uzivi huzinji zve wakamupa makomborero o kuvaka tembere, asi padoko ngo padoko wakasia Jehovha. Kudari muri mubari, sananguriranyi mwana wenyu kuti kuitisa kudini kunamata ko kokunyepa kwakapausa Soromona kubva kuna Mwari. Umambo wakazopauka, majimambo akashata akazotungamirira jinja zve manamatiro okunyepa akazovepo no kunamata zvithombe. Mukati mo mukuvowo, vaporofita vazinji vakagondeka va Jehovha vakateverehwa no kuurawa. Mambo wokaji Jezebheri wakatora umambo wo kakusi kuti uve wakazara ngo manamatiro okunyepa. Wakava mukuvo wo ndhorovondho yo vaIziraeri unosuruvarisa. Asi kwainga no vashandiri vazinji va Jehovha vainga vakatendeseka pakati po vaIziraeri, kubatanija mambo Jozafati pomwe no muprofita Erija.