यहोवाले सुलेमानलाई अथाह बुद्धि र मन्दिर बनाउने सुअवसर दिनुभयो। तर तिनी बिस्तारै उहाँबाट टाढिए। तपाईँ आमाबुबा हुनुहुन्छ भने छोराछोरीलाई मूर्तिपूजकहरूले सुलेमानलाई कसरी यहोवाबाट टाढा लगे, बुझाउनुहोस्‌। इस्राएल राज्य विभाजित भयो। दुष्ट राजाहरूले मानिसहरूलाई धर्मत्याग र मूर्तिपूजामा फसाए। त्यतिबेला परमेश्‍वरका धेरै वफादार भविष्यवक्‍तालाई सताइयो र मारियो। रानी ईजेबेलले उत्तरी राज्यलाई धर्मत्यागमा झनै फसाइन्‌। यो इस्राएलको इतिहासको अन्धकारमय समय थियो। तर इस्राएलमा राजा यहोसापात र भविष्यवक्‍ता एलियालगायत अन्य थुप्रै वफादार सेवक अझै थिए।