Efalomo lyoshitopolwa oshi-8
Jehova okwa yambeke Salomo nuunongo owundji. Okwe mu pe wo uuthembahenda wokutunga otempeli, ihe konima yethimbo okwa thigi po Jehova. Ngele ngoye omuvali, yelithila omumwoye nkene aalongelikalunga yiifundja ya li ya ningitha Salomo a pilamene Kalunga. Uukwaniilwa owa li wa topolwa, naakwaniilwa aawinayi oya ningitha oshigwana shaIsraeli shi shune monima noshi longele iikalunga. Pethimbo ndyoka, aahunganeki aadhiginini yaJehova oya li ya hepekwa nokudhipagwa. Omukwaniilwakiintu Isebel okwa nwetha mo noonkondo aantu yomuukwaniilwa wokuumbangalantu ya ninge aashunimonima. Olya li ethimbo edhigu mondjokonona yoshigwana shaIsraeli. Nonando ongawo, Aaisraeli oyendji oya kala aadhiginini kuJehova, mwa kwatela omukwaniilwa Jehosafat nomuhunganeki Elia.
MOSHITOPOLWA SHIKA
OSHIILONGOMWA 44
Otempeli yaJehova
Kalunga okwa taamba ko egalikano lyomukwaniilwa Salomo, e te mu pe omayambeko ogendji.
OSHIILONGOMWA 47
Jehova okwa li a nkondopaleke Elia
Mbela owu shi ngaa kutya nangoye ota vulu oku ku nkondopaleka?
OSHIILONGOMWA 49
Omunyekadhi omukolokoshi ta geelwa
Isebel ta ningi ompangela yokudhipaga omulumentu Omuisraeli Nabot, opo a kuthe po oshitsambe she. Jehova okwa li a mono uukolokoshi we.
OSHIILONGOMWA 50
Jehova ta hupitha Jehosafat
Omukwaniilwa omwaanawa Jehosafat okwa li a galikana kuKalunga, sho aatondi ya li ya hala okuponokela oshigwana shaJuda.