Yehova aamureeliha Solomoni okhalano miruku ni omvaha ekari ya oteka empa, nyenya owo aamurukunuwela Yehova. Mwaari tiithi, mmutharihele mwaninyu wi malapelo atheru yaamweeriha Solomoni omuhiya Yehova. Omwene waakawanyeya, mamwene oonanara yaanahoolela nloko wa alipa omwareya ni olapa iruku. Mu elukuluku yeeyo, alipa a miririmu a Yehova yaaniiciwa ni wiiphiwa. Mwene a mwaamuthiyana Yesapeli aaweeriha achu a omwene woomoko okhalano malapelo oowoka. Eyo yaari elukuluku yoovila wa Aisarayeli. Nyenya yaakhalavo akapuro yaamulapela Yehova moororomeleya variyari va Aisarayeli, ntoko Mwene Yosafati ni mulipa a miririmu Eliya.