Itech tlen tlajtos sección 8
Jehová okichiuj ika Salomón melak matlamachilise niman okikauili makichijchiua teopan. San ika, ika yolik onoxelo itech Jehová. Tla tikinpiya mokoneuan, xkintomili kenon akin kinueyichiuayaj tajtsitsintin okichiujkej ika Salomón makikaua toTajtsin. Tekiuajyotl onotlajkoxelo niman xkuakualtin tekiuajkej okichiujkej ika kalpan makixnamiki tlen melauak niman makiueyichiua tajtsitsintin. Ipan yejon tonaltin, okintlajyouiltijkej niman okinmiktijkej miyekej teotlajtokej akin xokikaujkej toTajtsin. Se siuatl akin tekiuaj katka, Jezabel, okichiuj ika tekiuajyotl tlen onkatka ika tlakpak melak maijtlakaui. Opanok tlen melak xkuajli ipan Israel. Maski ijkon, nemiyaj miyekej itekipanojkauan toTajtsin akin xokikaujkej, ken tekiuaj Jehosafat niman teotlajtoketl Elías.
IPAN YEJUIN SECCIÓN
TLAMACHTIJLI 44
Se teopan tlen okichijchiuilijkej Jehová
ToTajtsin kuelita tlen tekiuaj Salomón kitlajtlani niman kimaka ueyi tekitl.
TLAMACHTIJLI 46
Jehová okiteititi ika yejua toTajtsin akin melauak
¿Akinon toTajtsin akin melauak? ¿Jehová noso Baal?
TLAMACHTIJLI 49
Okitlajtlakolmakakej se xkuajli siuatl
Jezabel kinemilia kenon kimiktis se israelita itoka Nabot san pampa kineki kikuilis itlal kampa kitoka uvas. San ika, Jehová kita nochi tlen xkuajli kichiua.