Yehowa zameʼe faʼatua-tua khö Zelomo ba iʼandrö khönia wamazökhi osali. Ba gafuriata, iʼerogö Yehowa Selomo. Na so khöu ndraono, haogö wamatunö khönia wa iʼerogö Lowalanginia Selomo börö me fariawö ia ba zanömba adu. Tebagi wamatörönia, ba börö ndra razo si lö sökhi wa elungu niha ba soi daʼö ba lasömba nadu. Me luo daʼö, ato zamaʼeleʼö khö Yehowa si lö faröi, tefakao ira ba labunu. Itugu lö sökhi wamatörö tanö yöu ibeʼe Ratu Izebela. Itugu lö sökhi zalua ba ndraono Gizaraʼeli. Hewaʼae simanö, ato nasa nono mbanua Yehowa si lö faröi, duma-dumania Razo Yozafati faoma Elia samaʼeleʼö.