Jeova wayamba Salomau etyi emuavela ounongo omunene iya emuavela elao liokutunga ondyuo yae, mahi katutu-katutu ayekepo Jeova. Inkha ove una ovana, vepopila oñgeni efendelo liomatutu liayapula Salomau ku Huku. Ouhamba auliyapuka, iya ohamba ombi aihimbika okuhongolela ovanthu kefendelo liayapuka ku Huku nokufenda ovilolo. Momuwo oo, ovauli ovanyingi ovakuatyili va Jeova avaipawa. Onkhai-hamba Jezabele aihongiliya ouhamba wo kokulio kuekumbi alo umwe okuyapula ovanthu ku Huku. Oo wakalele omuwo umwe wepuiya ko va Isilayeli. Mahi ankho nkhele kuna ovaumbili ovanyingi vekolelo va Jeova pokati ko va Isilayeli, okukutikinya-mo Ohamba Jeosafa nomuuli Eliya.