Kuyamba kwa Gawo 8
Yahova adasimba Salomau mwa kumupasa nzeru zizinji na mwayi wa kumanga tempwlo. Tsono, pang’ono na pang’ono, iye adadzasiya kutumikira Yahova. Penu ndimwe m’bereki, mufotokozereni mwana wanu momwe anyakunamata wakunama adapumpsira Salomau kuti asiye kunamata Mulungu. Umambo bwa Jirayeri budadzagawidwa, ndipo wamambo wakuipa adacitisa kuti mtundu wa Jirayeriyo upanduke, uciyamba kunamata bzifanikiso. Mkati mwa nthawe imweyi, apolofeta azinji wakukhulupirika adazunzidwa, aciphedwa. Jezabeli, mkazi wa mambo Akabe, adacitisa kuti wanthu wakutongedwa na umambo bwa kumpoto asiiretu kumbanamata Yahova. Ikhali nthawe yomwe Ajirayeri akhali mu mdima wauzimu. Tsono, pakati pa Ajirayeriwo akhalipo atumiki azinji wakukhulupirika wa Yahova, omwe akhaphatanidzambo mambo Jehosafati na mpolofeta Eliya.
MU GAWOLI
PFUNZIRO 44
Tempwlo ya Yahova
Mulungu adabvuma bzomwe mambo Salomau adakumbira, acimupasambo bzinthu bzizinji.
PFUNZIRO 46
Yahova Adalatiza Kuti ni Mulungu Wacadidi
Kodi mbani Mulungu wacadidi? Yahova ayai Baala?
PFUNZIRO 48
Mwana wa Mkazi Mansiwa Adamusidwa kwa Anyakufa
Bzakudabwisa bziwiri bzomwe bzidacitikira m’nyumba ibodzi!
PFUNZIRO 49
Kulangidwa kwa Jezabeli, Mkazi wa Mambo
Jezabeli adaphesa Nabote omwe akhali Mjirayeri wakulungama na cakulinga cakuti amubere munda wace wa mpesa! Bzakuipa bzace na kusaya kulungama kwace kudawonedwa na Yahova, ndipo iye adalangidwa.
PFUNZIRO 50
Yahova Adakhotcerera Jehosafati
Jehosafati omwe akhali mambo wabwino, adakumbira thandizo la Mulungu pomwe mitundu minango ikhafuna kumenyana na Ajuda.
