Yihowaan, Solomooniif ogummaa guddaa isaaf kennuudhaan isa eebbiseera; mirga mana qulqullummaa ijaaruus isaaf kenneera; taʼus inni yeroo booda Yihowaa dhiiseera. Warra yoo taatan, waaqeffattoonni sobaa Solomooniin Yihowaa irraa akkamitti akka isa fageessan mucaa keessaniif ibsaafii. Mootummichi ni hihhirame, akkasumas mootonni hamoon sabichi Yihowaa akka dhiisuu fi waaqolii tolfamoo akka waaqeffatu isa taasisan. Yeroo kanatti, raajonni Yihowaadhaaf amanamoo taʼan hedduun ariʼatamaniiru, akkasumas ajjeefamaniiru. Iizaabel Mootittiin mootummaan kaabaa Yihowaa irraa akka fagaatu dirqisiistee turte. Yeroon kun seenaa Israaʼel keessatti yeroo dukkanaa ture. Taʼus, Yoshaafaax Mootichaa fi Eliyaas raajicha dabalatee tajaajiltoonni Yihowaa amanamoo taʼan hedduun jiru turan.