Jehová Diosqa Salomonman yachayta qorqa, templota ruwanantapis saqerqa. Salomontajrí pisimanta pisi paymanta karunchakorqa. Wawasniykiman yachachiy, santosta yupaychajkuna Salomonta Diosmanta karunchasqankuta. Israelqa iskayman tʼaqakorqa. Wakin reyestaj runasta Diosmanta karuncharqanku, llulla diosesta sirvinankupajtaj tanqarqanku. Diospa ashkha profetasninpis qhatiykachasqas, wañuchisqas ima karqanku. Reina Jezabelqa 10 ayllusmanta kaj ashkha israelitasta waj dioskunata yupaychanankupaj tanqarqa. Jinapis ashkha israelitas Jehová Diosta tukuy sonqo sirvisharqankuraj, rey Josafat jina, profeta Elías jina.