Jehová xutewchij ri Salomón, xuya unojibʼal xuqujeʼ xuya ri chak nim ubʼanik che kuyak ri loqʼalaj ja. Are kʼu ri areʼ nojimal, nojimal xuya kan ri Dios. We at kʼo awalkʼwal, chabʼij chke che ri winaq che kkiqʼijilaj dioses che qastzij taj xkibʼano che Salomón xkʼojiʼ ta chi naqaj che ri Jehová. Ri ajawbʼal xubʼan kebʼ, xuqujeʼ xekʼojiʼ ajawinelabʼ che e itzel che xkibʼano che utz ta chi uqʼijilaxik ri Jehová xkibʼano xuqujeʼ xkiqʼijilaj nikʼaj chik jastaq. Pa ri tiempo riʼ, kʼi chke ri e ajqʼaxal taq tzij che e sukʼ xbʼan kʼax chke xuqujeʼ xekamisaxik. Ri ajawbʼal rech ri norte xkibʼan jastaq che sibʼalaj e itzel rumal ri ajawinel ixoq ubʼiʼ Jezabel. Are jun tiempo che ri xbʼan pa Israel sibʼalaj utz taj. Pa neʼ jeʼ wariʼ, e kʼi israelitas che e sukʼ che ri Jehová, junam rukʼ ri ajawinel Jehosafat xuqujeʼ ri ajqʼaxal tzij Elías.