Jehoväqa yachënin qornin y templuta ruratsinampaq carguta qormi Salomonta bendicirqan. Peru Diospitam karupäkurirqan. Wamrëkikuna kaptinqa, shumaq yachatsi Salomontaqa juk dioskunata adoraqkuna Jehoväta jaqiratsiyanqanta. Israel nacionqa ishkëmanmi rakikärirqan. Mana alli reykunam israelïtakunata Diospa contran tikratsiyarqan y imäginkunata adoratsiyarqan. Tsë witsanmi Jehoväpa willakoqninkunata sufritsiyarqan y wanutsiyarqan. Reyna Jezabelmi uma kaq lädu nacionta Diospa contran churakätsirqan. Y mana alli rurëkunam mirarqan. Peru rey Jehosafat, Diospa willakoqnin Elïas y wakin israelïtakunaqa manam Jehoväta jaqiriyarqantsu.